«دولة بنظام النوم المتقطّع»

«الإعلامي الدكتور وجدي صادق»

(قوم… فوت… نام… وسير حلام.) ..

• أفعالٌ بلا فاعل، وحياةٌ بلا جملةٍ مفيدة.

• نستيقظ ولا نفيق، نمشي ولا نصل، نحلم… لكن الحلم دائماً *«معلّق لحين إشعار آخر»*.

• هي بلد؟؟؟.. لا… مش بلد. البلد بدها خريطة، وهيدي بدها طبيب نفسي.

• البلد فيها نظام، وهيدي فيها دورك إذا لحقك.

• البلد إلها صباح ومساء، وهيدي إلها نشرة أعصاب كل ساعة.

• هيدي إرطة عالم… مش شعب، مش مواطنين، مش حتى جمهور.

• إرطة واقفة بالطابور،

• إرطة بتغنّي للنشاز،

• إرطة بتزقف للكارثة لما تتأخر. كل واحد حامل همّه بإيد، وبيفتش على دولة بالإيد التانية، وما بيلتقي الإيدين… لأنو الدولة طالعة *«إجازة مفتوحة»*.

• آه يا بلد…

• آه مش تنهد،

• آه تشخيص.

• آه بتطلع من القلب وبتضيع بالطريق لأنو حتى الوجع ما لاقي عنوان يوصلو.

•بلد بلا نقطة آخر السطر

• بلا فاصلة تريح النفس، وبلا علامة إستفهام حقيقية، لأنو الجواب معروف:

【قوم... فوت... نام... وسير حلام】