نحن أبناء هذا الوطن، نقولها بصوت واضح وصريح:
أعطونا لبناننا , وخذوا لبنانكم.
ما بدنا لبنان يلي بيكون تابع لحدا،
ما بدنا لبنان يلي بيوالي النظام السوري ولا أي نظام
وما بدنا لبنان يلي بيمشي تحت راية إيران أو غيرها.
لبنان مش ساحة لتصفية الحسابات، ولا ورقة بيد أي دولة.
ما بدنا لبنان يلي بينفّذ أجندات خارجية،
بدنا لبنان يلي قراره من شعبه، من ناسه، من أرضه.
بدنا لبنان
أرض السلام، مش أرض الحروب.
أرض القديسين، مش أرض الانقسام.
أرض الثقافة والحضارة، مش أرض الجهل والتبعية.
هيدا لبنان يلي منعرفه:
من أيام الفينيقيين، من هون طلع الحرف، ومن هون طلع النور على العالم.
هيدا لبنان يلي حمل رسالة، مش يلي عم ينحمل عليه.
بدنا دولة تشبهنا،
تحترم إنسانها،
تحمي شعبها،
وتكون سيّدة حرّة مستقلّة، مش مرهونة لأي محور.
إذا بدكن لبنان تابع , خذوه إلكن.
أما نحنا، بدنا لبناننا , متل ما حلمنا فيه دايما
